श्री. बाबाजी
महादेव इंदोरे

आयुष्यात पहिल्यापासूनच काहीतरी वेगळे करण्याची आणि समाजहितासाठी स्वतःला झोकून देण्याची जिद्द माझ्या मनामध्ये होती. पुणे जिल्ह्यातील 'चांडोली खुर्द' या छोट्याशा गावात १३ डिसेंबर १९८५ रोजी माझा जन्म झाला.

माझे माध्यमिक शिक्षण पूर्ण करून कुटुंबाला हातभार लावण्यासाठी मी नवी मुंबईत आलो. सप्लाय चेन मॅनेजमेंटमधील पदविका पूर्ण केली आणि फ्रेट फॉरवर्डिंग व ट्रान्सपोर्ट क्षेत्रात व्यवसाय सुरू केला.

सानपाडा परिसरातील नागरिकांच्या समस्या जवळून अनुभवल्यानंतर, समाजाचे देणे लागतो या भावनेतून मी शिवसेना पक्षात सक्रिय झालो. २००८ साली 'गटप्रमुख' पासून सुरू झालेला प्रवास आज 'विभागप्रमुख' पदापर्यंत पोहोचला आहे.